لفرق بين الحب والاحتياج للحب...ياريت نتعلم

السلام عليكم ورحمة الله وبركاته

************************************************** *******

النهاردة موضوع رومانسى شوية على غير العادة هوضح فيه شوية حاجات كدا بتغيب عن بالنا كتير وبتوقعنا فى مشاكل كتير
ساعات فى بعض علاقات الحب نلاقى نفسنا جينا
عند النص ووقفنا مش قادرين نكمل وزهقنا وخلاص بنتلكك لبعض وده بيرجعله
اسباب كتير اوى بس انا النهاردة جبت الحاجة الغامضة شوية وهى الاحتياج
للحب نشوف الفرق الاول

الفرق بين الحب والاحتياج للحب

الحب

شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت اديت ايه واخدت ايه
القلب فيه مضخة بتضخ الحب
لجميع اجزاء الجسم مع الدم عقلك بيفكر فيه /عينك دايما عليه/ شفايفك دايما
تنطق باسمه/ رجليك دايما تروح للمكان اللى هو فيه [ندعوك للتسجيل في المنتدى أو التعريف بنفسك لمعاينة هذه الصورة]
مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه
مشاعر رقيقة لعلاقة بريئة بعيدة عن المصالح والمجاملة والروتين
الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك

الاحتياج للحب:

شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه
بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء ولكن ..............واه من قسوتها لكن
ربما بعد ما ياخد ويحس بكل
اللى كان فاقده ميبقاش محتاج للقلب ده فى اى شئ ودى مش خيانة او جحود دى
غلطة ابتدت من الاول الطرفين ملهمش ذنب فيها
هو حس باحتياج لحب وحنان ولقاه ف انسان من غير ما يتاكد اذا كان بيحبه ذاته او لا [ندعوك للتسجيل في المنتدى أو التعريف بنفسك لمعاينة هذه الصورة]

كتير
مننا بيغلط اوى وبيخلط الامور ببعضها ومش بيتاكد من مشاعره ويندفع لدخول
فى تجربة وهو مش مدرك انى دى مسؤلية كبيرة اوى مش مجرد كلمتين حب وخلاص
ومن هنا جه الفرق بين الحب والاحتياج للحب
كتير مننا بيحس ان بابا وماما واخواتى مش سالين فيا
اصحابى كل اللى طالع عليهم الهزار مش بيتكلموا جد ابدا كل اما احكى لحد على حاجة يتريق ويهرج [ندعوك للتسجيل في المنتدى أو التعريف بنفسك لمعاينة هذه الصورة]
طيب هو ده معناه انك تربط نفسك بعلاقة انت مش واثق من مشاعرك فيها
يا سيدى عارفين انك قرفان من الدنيا وعاوز حد تحط راسك على كتفه(معنويا فقط [ندعوك للتسجيل في المنتدى أو التعريف بنفسك لمعاينة هذه الصورة])وتشكيله همومك
[ندعوك للتسجيل في المنتدى أو التعريف بنفسك لمعاينة هذه الصورة] بس مش كدا
يا اخى ......... يا اختى
اوعى تورط او تروطى نفسك فى حاجة انتى مش قدها اتاكد من نفسك الاول قبل ما تربط حياة شخص بيك
محتاج لحب دور فيه على اللى حواليك اكيد فى ناس بتسال عليك جرب تحكى لحد بلاش اصحابك
اهلك حتى
عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك)
دور على الحب فى اخواتك فى مامتك فى باباك اكيد لاو انت حتى بدات هما كان هيبادولك نفس الشعور
اسال على الناس هيسالوا عليك [ندعوك للتسجيل في المنتدى أو التعريف بنفسك لمعاينة هذه الصورة]
ومتقربش لعلاقة حب الا لو ............. [ندعوك للتسجيل في المنتدى أو التعريف بنفسك لمعاينة هذه الصورة]
كنت واثق ومتاكد من مشاعرك
ويارب اكون ساهمت ووضحت حاجة محدش كان واخد باله منها
سلام

» ماذا علمنى الحب
» ما هو الحب
» الى من علمنى الحب
» معلومات عن الحب
» كلمات عن الحب